恭喜你, 度過左一個超級有勇氣嘅2024! 你嘅勇氣, 心態, 努力, 我都統統見到! 由未離開莎莎, 到成功分左手, 你脫離左當初痛苦嘅自己, 亦打開左走向新生活嘅大門! 但係, 新生活依然需要勇氣, 需要面對挑戰, 既然你清楚明白自己想要嘅, 就請你超級努力, 超級勇敢地踏出每一步! 請永遠唔好覺得錯誤同挫敗好可怕, 只有度過失敗, 度過不完美, 你先有可能創造奇蹟! 先講一句愛你! 亦請你相信每一個愛你嘅人!
2024 – 清晰元年, 仲記唔記得當年你喺牢莎, 你同你前女友一齊, 你每個禮拜都好痛苦, 連食野都唔敢食… 到而家, 你自由了, 你擁抱新生活了, 你重拾了約會的勇氣, 你有錢了, 你開心了, 呢啲都係勇氣同清晰為你帶來嘅禮物! 目標已經設立, 原則已經確定, 請你努力勇敢地執行!
2025 – 奇蹟元年, 請你注重以下目標:
- 早睡早起, 早睡指十二點半之前, 早起指正常翻工時間, 呢樣習慣等於第七大習慣 – 不斷更新, 亦等於產能同產出嘅平衡, 25歲了, 身體要開始注重!
- 注重護膚, 護膚可以係一種習慣, 一種態度, 但最重要係, 會成為你其中一種自信! 敷面膜! 清潔! 同埋記得用你樽黑繃帶!
- 注重髮型, 搵一位出色的理髮師, 剪個好頭! 髮型對顏值影響好大! 更重要係, 你而家個頭係爆炸頭, 完全搞唔掂 -.-
- 注重拍照! 拍照代表回憶, 亦是你的個人名片, 要知道識得宣傳自己都係非常重要!
- 修補你的社交媒體, 同理, 是你的個人名片, 亦是你社交的重要一環. Po 多少少, 唔一定要有人, 至少要有一種記錄同格調. 如果出唔到片, 請請教小紅書同AI.
- 注重運動! 唔知幾時你放棄左運動嘅習慣, 而家一個禮拜一次健身操係遠遠唔夠, 標準係一個禮拜至少兩次高強度有氧加一次無氧喔~
- 社交! 社交! 社交! 男仔一定要主動! 一定要主動! 唔係要飢渴, 而係要主動邀約, 主動應約, 考慮用唔同方式認識新朋友喔!
- 考好AO, 呢個係你享受生活嘅底氣, 亦係你應有嘅職業追求, 當中嘅壓力同挑戰會令你成長, 亦令你有更多嘅社交同生活籌碼, 應該要係你上半年嘅首要目標. 如果唔好彩考唔到, 就要開始考慮進修或者研究財政管理lu, 唔好再拖延喇~
- 買! 買衫, 買銀包, 買所有可能令你提升嘅東西, 唔好在意收入同預算, 以後一定會賺得翻黎, 時間, 試錯同歷練先係你要珍惜嘅嘢.
- 戒走壞習慣! 睡前習慣, 飲食習慣, 改走壞習慣比培養新習慣有時更加有效.
- 心態 – 相信自己, 我對你期待好大, 但最主要唔係逆境嘅你, 而係順境嘅你最重要. 唔好飄, 堅持, 順境更加要打場好波! 當然, 25歲之後仍有人生, 放鬆. 呢個世界有好多人, 有唔同嘅價值觀, 堅持你嘅愛, 堅持你負責任嘅心, 係屬於你嘅原則同重心, 工作生活上保持追求, 感情上寧缺勿濫.
- 生活是有起伏, 亦有狀態好壞, 請不要太歇斯底里, 享受這個旅程。
Site Title 
發表留言